4. deild: Sex mörk á Selfossi

Það var mikið fjör er Árborg og Vængir Júpíters tókust á í 4. deildinni fyrr í kvöld. Liðin mættust á Selfossi og náðu gestirnir forystunni snemma leiks þegar Arnar Ragnars Guðjohnsen setti boltann í netið á þriðju mínútu.

Þorvarður Hjaltason jafnaði metin innan við stundarfjórðungi síðar og endurheimtu gestirnir svo forystuna með marki frá Mána Sævarssyni.

Gestur helgi Snorrason jafnaði nokkrum mínútum síðar og var staðan jöfn 2-2 í leikhlé. Hún hélst jöfn allt þar til í uppbótartíma venjulegs leiktíma, þegar Fannar Bragason gerði það sem hann hélt að væri sigurmark Vængjanna.

Heimamenn gáfust þó ekki upp og fengu dæmda vítaspyrnu stuttu seinna, sem Gestur Helgi skoraði úr. Lokatölur urðu því 3-3 eftir dramatísk mörk í uppbótartímanum.

Árborg er í þriðja sæti með 26 stig eftir 12 umferðir. Vængirnir eru með 12 stig, fjórum stigum fyrir ofan fallsvæðið.