Byrjunarlið Fram og Keflavíkur: Raggi Sig í þriðja sinn í röð með sama lið

Fram gerði 2 - 2 jafntefli við ÍBV í eyjum í síðasta leik á laugardaginn og Ragnar Sigurðsson þjálfari liðsins gerir engar breytingar frá þeim leik og þetta er þriðji leikurinn í röð sem hann heldur sig við sama byrjunarlið því það var einnig eins í leiknum gegn HK.

Keflavík vann 2 - 1 heimasigur á HK í síðasta leik á sunnudaginn. Haraldur Freyr Guðmundsson þjálfari liðsins gerir eina breytingu frá þeim leik. Gunnlaugur Fannar Guðmundsson hefur afrekað það að fá 10 gul spjöld í sumar og er því í þriðja sinn í leikbanni í sumar fyrir gul spjöld. Í hans stað kemur Oleksii Kovtun.