Yfirgefur topplið C-deildarinnar til að taka við Preston (Staðfest)

Graham Alexander er hættur sem stjóri Bradford til að taka við Preston North End.

Preston ákvað að reka Paul Heckingbottom eftir að liðið tapaði sex af sjö fyrstu deildarleikjum sínum í Championship-deildinni á nýju tímabili.

Alexander var leikmaður Preston og lék 372 deildarleiki fyrir félagið og segir það sérstaka tilfinningu að taka nú við sem stjóri.

Bradford er í efsta sæti C-deildarinnar eftir sjö umferðir og segir félagið að það hafi verið erfitt að gefa Alexander leyfi til að ræða við Preston. Alexander tók við liðinu 2023 og kom því upp úr D-deildinni.