Manchester City þarf að vinna Club Brugge til að komast áfram í umspilið, en Pep Guardiola gerir tvær breytingar á liði sínu. Kevin de Bruyne og John Stones koma inn fyrir Abdukodir Khusanov og Omar Marmoush, sem mega ekki vera með City í þessu verkefni þar sem þeir eru ekki skráðir í Meistaradeildarhópinn.

Lið Man City gegn Club Brugge: Ederson, Nunes, Stones, Akanji, Gvardiol, Kovacic, Gundogan, De Bruyne (C), Bernardo, Foden, Haaland.

Arne Slot, stjóri Liverpool, gerir alls níu breytingar á byrjunarliði sínu gegn PSV Eindhoven. Liverpool hefur unnið alla sjö leiki sína og er búið að tryggja sig áfram í 16-liða úrslit.

Athygli vekur að vinstri bakverðirnir Andy Robertson og Kostas Tsimikas byrja báðir og þá er Jarell Quansah í vörninni. Federico Chiesa fær einnig að spreyta sig.

Lið Liverpool gegn PSV: Kelleher, Bradley, Quansah, Robertson, Tsimikas, Endo, McConnell, Chielsa, Elliott, Gakpo, Danns.

Spænski stjórinn Mikel Arteta er í svipuðum gír og Slot, en hann gerir fjölmargar breytingar á liðinu fyrir leikinn gegn Girona. Arsenal er svo gott sem komið áfram í 16-liða úrslit.

David Raya er ekki í hópnum og þá eru þeir Declan Rice, William Saliba og Kai Havertz allir á bekknum.

Lið Arsenal gegn Girona: Neto, Partey, Kiwior, Gabriel, Calafiori, Jorginho, Merino, Odegaard, Nwaneri, Sterling, Trossard

Aston Villa mætir liði Celtic. Unai Emery gerir aðeins eina breytingu frá leiknum um helgina en Tyrone Mings dettur út og inn kemur Lamare Bogarde. Ollie Watkins fær þá kallið fram yfir Jhon Duran, sem er líklega á leið til Sádi-Arabíu.

Lið Aston Villa gegn Celtic: Martinez, Cash, Konsa, Kamara, Digne, Bogarde, Tielemans, Bailey, Rogers, Ramsey, Watkins.

Íslenski landsliðsmaðurinn Hákon Arnar Haraldsson er á bekknum hjá Lille sem mætir Feyenoord á heimavelli. Lille er komið áfram í umspilið og á enn möguleika á að enda meðal átta efstu.