Búið að fresta leikjum Fylkis

Búið er að fresta næstu tveimur leikjum hjá Fylki í Pepsi Max-deild kvenna eftir að leikmaður liðsins greindist með kórónaveiruna.

Leikmenn Fylkis eru komnir í sóttkví og næstu tveimur leikjum hefur verið frestað. Fylkir átti að mæta Þór/KA á morgun og
ÍBV næstkomandi mánudag.

Breiðablik og KR eru einnig með leikmannahópa sína í sóttkví og því verða einungis tveir leikir í 4. umferð í þessari viku og tveir leikir í 5. umferð í næstu viku.