Byrjunarlið Íslands: Sara byrjar og er fyrirliði

Þorsteinn Halldórsson landsliðsþjálfari hefur opinberað byrjunarlið Íslands sem mætir Póllandi í vináttulandsleik ytra sem hefst klukkan 13:30. Guðmundur Aðalsteinn Ásgeirsson, fréttamaður Fótbolta.net, er í Póllandi og textalýsir leiknum.

Smelltu hér til að fara í beina textalýsingu frá leiknum

Sara Björk Gunnarsdóttir er í byrjunarliði Íslands og athygli vekur að hún er með fyrirliðabandið en Gunnhildur Yrsa Jónsdóttir, sem einnig er í byrjunarliðinu, hefur verið fyrirliði í stjórnartíð Þorsteins.

Þetta er eini vináttulandsleikur Íslands fyrir EM og líklegt að þetta verði byrjunarliðið í fyrsta leik.

Leikir Íslands á EM:
10. júlí gegn Belgíu (Academy Stadium, Manchester)
14. júlí gegn Ítalíu (Academy Stadium, Manchester)
18. júlí gegn Frakklandi (New York Stadium, Rotherham)