Arnar Þór Viðarsson, landsliðsþjálfari, var í liði Íslandssem tapaði 3-0 gegn Liechtenstein árið 2007. Oft er talað um leikinn sem þann versta í sögu íslenska landsliðsins en Ísland heimsækir Liechtenstein á ný í undankeppni HM annað kvöld.

„Ég og Eiður Smári erum í hópi 18-20 leikmanna sem töpuðu gegn Liechtenstein og maður er ekki stoltur af því. Við höfum látið leikmenn vita að þetta er hópur sem þú vilt ekki bætast í," sagði Arnar við Fótbolta.net í dag.

„Þetta eru ekki góðar minningar. Ég og Eiður Smári töluðum um þetta fyrir nokkrum dögum. Þegar maður hugsar um þetta þá fær maður ennþá skjálfta í hnén. Maður skammaðist sín. Það væri mjög vel þegið að hefna þess á morgun."

„Maður man ennþá eftir þessu tapi og fær skjálfa í líkamann. Þá veit maður að þetta var ekki gott. Maður man ekki eftir mörgum tapleikjum en ég man að þetta var leikur þar sem við sóttum mikið en þeir skoruðu beint í vinkilinn úr fyrstu sókn. Þetta var einn af þessum leikjum þar sem ekkert gekk upp."

Hér að ofan má sjá viðtalið í heild sinni en þar ræðir Arnar meira um lið Liechtenstein, leikinn á morgun og Lars Lagerback.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit