Earnshaw til WBA (Staðfest)

WBA hafa gengið frá kaupum á framherjanum Robert Earnshaw frá Cardiff en hann verður dýrasti leikmaður félagsins, keyptur á 3 milljónir punda. Earnshaw gerði þriggja ára samning við félagið með möguleika á ári til viðbótar en hann undirgekkst læknisskoðun í morgun áður en skrifað var undir samninginnn. Gary Megson stjóri WBA hefur verið að eltast við framherja í allt sumar og eftir að ljóst var að ekkert yrði af kaupum á Aruna Dindane eða Sylvain Wiltord snéri hann sér að Earnshaw.