Man City komst tvívegis yfir en í bæði skiptin jöfnuðu heimamenn. Jonjo Shelvey gerði jöfnunarmark á 88. mínútu sem var sárt fyrir Englandsmeistarana.

„Við fengum nóg af færum til að vinna þennan leik. Þetta er slæm stund en við þurfum að halda áfram. Á morgun munum við ná okkur aftur upp," sagði Guardiola.

„Ég man eftir leiknum hérna á síðasta tímabili. Það er alltaf erfitt að koma til Newcastle, þetta er goðsagnakenndur leikvangur hér á Englandi.

„Við spiluðum vel í dag en fengum tvö ódýr mörk á okkur sem er svekkjandi."