Von á viðbrögðum frá Fylki - „Mjög óþægilegt"

„Ég varð ekki var við þetta sjálfur á leiknum, auðvitað sá ég þessa einstaklinga sem voru að hvetja, en ég gerði mér ekki grein fyrir því þar sem ég var staddur á leiknum hvað væri í gangi, allavega ekki til fulls. Ég gerði mér ekki grein fyrir því að þetta væri svona og ég held að fæstir hafi almennilega áttað á sig. Við erum að taka þetta saman og búa til okkar viðbrögð því þetta er víðs fjarri því sem við viljum standa fyrir og er bara mjög óþægilegt," segir Ragnar.

„Við erum að vinna í því hvernig við svörum þessu og hvað við gerum í framhaldinu. Það er von á einhverju frá okkur fljótlega um þetta mál," bætir formaðurinn við.

Úr yfirlýsingu Gróttu
Meðan á leiknum stóð veittist hópur stuðningsmanna Fylkis ítrekað að leikmanni Gróttu og aðstandendum hans með grófum og óviðurkvæmilegum ummælum og athugasemdum. Umræddur hópur stuðningsmanna hafði meðal annars í frammi kynferðislegar athugasemdir sem tengdust fjölskyldumeðlimum leikmannsins.

Auk þess varð unnusta leikmannsins fyrir aðkasti stuðningsmanna á meðan á leik stóð og aftur í verslun í nágrenninu löngu eftir að leiknum var lokið.