Englandsmeistararnir komust yfir í fyrri hálfleik en heimamenn jöfnuðu. Kevin De Bruyne skoraði svo á 82. mínútu og tókst Jonjo Shelvey að jafna sex mínútum síðar.

„Þegar maður mætir stóru strákunum er alltaf gott að ná í stig. Við mættum ótrúlega sterku liði í dag og ég er stoltur af strákunum fyrir að hafa náð í stig," sagði Bruce að leikslokum.

„,Við þurftum stóra frammistöðu frá markverðinum og hún skilaði sér. Strákarnir í sókninni eru að spila vel þó þeir séu ekki að skora. Þeir eru alltaf hættulegir.

„Þegar maður tapar er alltaf hægt að skoða hvað getur farið betur en við erum búnir að vera góðir í síðustu 5 eða 6 leikjum, að undanskildri ferðinni til Villa Park.

„Við höldum áfram að skrapa saman stigum og vona það besta. Það er enginn tími til að sofa því við eigum leiki á fimmtudag og sunnudag."

Newcastle er með 16 stig eftir 14 umferðir. Man City er með 29 stig.