Jakobsson til Southampton (Staðfest)

Sænski varnarmaðurinn Andreas Jakobsson var í dag keyptur til Southampton á eina milljón punda frá danska liðinu Bröndby. Þá tilkynntu Southampton einnig að James Beattie sem hefur verið orðaður frá félaginu væri ekki á förum. Jakobsson er 31 árs gamall miðvörður sem lék með Svíum á EM í sumar. Hann gerði tveggja ára samning við Southampton með möguleika á því þriðja.