Senegalski varnarmaðurinn hefur nú opnað sig um slysið og eftirmála þess. Hann er ekki með neitt markmið varðandi tímasetningu á endurkomu; hann er ekkert að flýta sér.

„Ég er ekki að reyna að setja mér eitthvað markmið vegna þess að þetta eru alvarleg meiðsli, þannig að ég verð bara að taka minn tíma í þetta og ekki flýta mér," sagði Souare við eagles.cpfc.co.uk.. „Ég vil bara gera mitt besta til að koma aftur þegar ég get."

„Ég man eftir öllu um slysið, en ég áttaði mig ekki á því (hversu slæmt þetta var) strax."

„Svo gat ég ekki hreyft fótinn minn og þá vissi ég að þetta væri alvarlegt. Ég þakka guði fyrir það að það kom fólk til mín og talaði við mig á meðan ég beið eftir sjúkrabílnum. Þeir komu mér á spítalann eins fljótt og þeir gátu og ég þakka þeim fyrir það."

Souare, sem lék áður með Lille í Frakklandi, segir að slysið hafi breytt viðhorfi sínu.

„Það sem gerðist við mig, getur gerst við alla," sagði hann.

„Þetta breytti mér; þetta hefur gefið mér lífsreynslu. Þegar þú ert fótboltamaður þá heldurðu að ekkert geti gerst við þig, en ég hef lært af þessu og ég held að allir aðrir leikmenn geti gert það líka," sagði Souare að lokum.