„Ég bjóst alls ekki við þessu. Ég er ekki þekktur fyrir að vera vítaskytta," sagði Styrmir Erlendsson eftir að hann tryggði sér titilinn vítaskytta Íslands á Þróttaravelli í gær.
Yfir 300 keppendur tóku þátt í vítaspyrnukeppni Fótbolta.net en allur ágóði rennur til Vildarbarna Icelandair. Stymir vann keppnina í 15. umferð.
Yfir 300 keppendur tóku þátt í vítaspyrnukeppni Fótbolta.net en allur ágóði rennur til Vildarbarna Icelandair. Stymir vann keppnina í 15. umferð.
Styrmir spilar með ÍR í Inkasso-deildinni en hann vann keppnina í gær á strigaskóm. Í einni umferð skaut hann einnig á sokkunum. „Skóbúnaðurinn skiptir ekki öllu máli. Þetta er í hausnum á þér," sagði Styrmir.
Margir öflugir markmenn stóðu vaktina en þegar nokkrir keppendur voru eftir þá fór fyrrum landsliðsmarkvörðurinn Gunnleifur Gunnleifsson í markið.
„Ég var mikið að vinna með að skjóta niðri vinstri en ég færði mig þegar Gulli kom. Þá var meiri pressa."
Styrmir fékk tvo flugmiða frá Icelandair, gjafabréf frá adidas og úr frá 24 Iceland í verðlaun. Hvert ætlar Styrmir að skella sér fyrir flugmiðana? „Við vorum að ræða Brussel í byrjun keppninnar. Ég veit ekki alveg hvað gerist," sagði Styrmir sáttur.
Fótbolti.net þakkar öllum þeim sem tóku fyrir þátt og lögðu hönd á plóg við að gera vítaspyrnukeppnina að veruleika.
Hér að ofan má sjá viðtal við Styrmi.
Athugasemdir