Rúnar Már Sigurjónsson var í byrjunarliði Grasshopper sem lék við topplið Basel í Sviss í kvöld.

Luca Zuffi skoraði eina mark leiksins í fyrri hálfleik en Basel er eftir leikinn með 20 stiga forystu á toppi svissnensku deildarinnar.

Rúnar Már sem var ekki valinn í landsliðshópinn fyrir leikinn gegn Kósóvó, spilaði í 79 mínútur í kvöld.

Grasshopper, lið Rúnars er í 8. sæti deildarinnar af tíu liðum, þremur stigum frá fallsæti.