Toni Kroos
Fótbolti.net telur dagana til jóla með því að fá valinkunna einstaklinga til að velja bestu leikmenn heims í sérstakt heimslið. Á hverjum degi fram að jólum kynnum við einn í liðinu og á sjálfum aðfangadegi verður fyrirliðinn kynntur, besti leikmaður heims.
Rúnar Kristinsson er einn besti miðjumaðurinn í sögu Íslands. Hann velur Toni Kroos á miðjuna í heimsliðinu.
,,Frábær leikmaður. Tapar varla bolta og klikkar varla á sendingu auk þess að vera vinnusamur. Getur skorað mörk og búið til mörk," segir Rúnar um Kroos.
,,Varð heimsmeistari með Þjóðverjum í sumar. Var frábær með Bayern á síðasta tímabili og er að gera frábæra hluti með Real Madrid eftir að hafa komið þangað. Hann er sigurvegari."
Miðjumaður: Toni Kroos, Real Madrid
24 ára - Hefur unnið marga titla á ferlinum miðað við ungan aldur.
Fimm staðreyndir um Kroos:
- Felix Kroos, yngri bróðir Toni, spilar með Werder Bremen.
- Faðir þeirra, Roland, er þjálfari hjá yngri flokkum Hansa Rostock.
- Kroos var ekki mikill námsmaður og skrópaði oft á yngri árum.
- Kroos þótti þó vera góður í líffræði í skóla.
- Jessica Farber er unnusta Kroos en þau eiga soninn Leon.
Maður sem býr til mörk
Sjá einnig:
Miðjumaður: Daniele De Rossi
Vinstri bakvörður: David Alaba
Miðvörður: Vincent Kompany
Miðvörður: John Terry
Hægri bakvörður: Philipp Lahm
Markvörður: Manuel Neuer
Þjálfari: Joachim Löw
Athugasemdir