John Terry
Daníel er mikill aðdáandi Terry.
Mikill leiðtogi.
Fótbolti.net telur dagana til jóla með því að fá valinkunna einstaklinga til að velja bestu leikmenn heims í sérstakt heimslið. Á hverjum degi fram að jólum kynnum við einn í liðinu og á sjálfum aðfangadegi verður fyrirliðinn kynntur, besti leikmaður heims.
Daníel Laxdal var lykilmaður í Íslandsmeistaraliði Stjörnunnar í sumar. Hann velur fyrri miðvörðinn í heimsliðinu en sá leikmaður kemur úr Chelsea.
,,Ég vel konunginn John Terry. Ég þurfti ekki að hugsa þetta lengi en er kannski smá litaður enda spilar hann fyrir mitt lið í enska boltanum," sagði Daníel.
,,Grjótharður leiðtogi sem leggur sig alltaf 100% fram, frábær varnalega og mjög hættulegur í föstum leikatriðum."
Miðvörður: John Terry, Chelsea
34 ára - Hefur spilað allan sinn feril með Chelsea og verið fyrirliði í áraraðir.
Fimm staðreyndir um Terry:
- Þegar Terry var yngri var hann stuðningsmaður Manchester United
- Eldri bróðir hans, Paul, er einnig atvinnumaður í fótbolta. Hann spilar í dag með Thurrock í ensku utandeildinni.
- Terry á tvíbura með eiginkonu sinni Toni en þeir fæddust árið 2006.
- Terry er mjög hjátrúafullur en hann er með 50 atriði sem hann gerir eins fyrir hvern leik.
- Terry er einn af fáum leikmönnum sem hafa fengið meira en eina milljón punda fyrir ævisögu sína.
Fyrirliði og leiðtogi:
Sjá einnig:
Hægri bakvörður: Philipp Lahm
Markvörður: Manuel Neuer
Þjálfari: Joachim Löw
Athugasemdir
