Fótbolti.net telur dagana til jóla með því að fá valinkunna einstaklinga til að velja bestu leikmenn heims í sérstakt heimslið. Á hverjum degi fram að jólum kynnum við einn í liðinu og á sjálfum aðfangadegi verður fyrirliðinn kynntur, besti leikmaður heims.
Gunnlaugur Jónsson þjálfari ÍA var öflugur varnarmaður á sínum tíma. Hann fær það hlutverk að velja annan miðvörð í liðið og Vincent Kompany er hans val.
,,Les leikinn vel, sterkur í návígum, er leiðtogi og stjórnar vörninni eins og herforingi," sagði Gunnlaugur um Komapny.
,,Góður á boltann - með nánast allan pakkann, frábær hafsent."
Miðvörður: Vincent Kompany, Manchester City
28 ára - Verið algjör lykilmaður hjá Manchester City síðan árið 2008.
Fimm staðreyndir um Kompany:
- Faðir Kompany er frá Kongó en hann ólst upp í Belgíu.
- Faðir Kompany er einnig umboðsmaður hans.
- Kompany kynntist eiginkonu sinni Carla Higgs í Englandi en hún hefur verið stuðningsmaður Manchester City allt sitt líf.
- Kompany hefur verið í námi í viðskiptafræði samhliða fótboltaferlinum. Hann hefur einnig mikinn áhuga á pólitík.
- Kompany er mikill aðdáandi Family Guy þáttanna.
Besti varnarmaður í heimi?
Sjá einnig:
Miðvörður: John Terry
Hægri bakvörður: Philipp Lahm
Markvörður: Manuel Neuer
Þjálfari: Joachim Löw
Athugasemdir