Greenwood kom til Getafe á láni frá Manchester United í lok ágúst en hann hefur komið að sextán mörkum á tímabilinu.

Hann skoraði tvö og lagði upp eitt í 3-1 sigri liðsins á Almería í gær, enn ein topp frammistaðan frá honum.

Englendingurinn hefur verið orðaður við félög á borð við Barcelona og Juventus, en ekki liggur enn fyrir hvort hann verði í myndinni hjá Man Utd á næsta tímabili.

„Við höfum ekki rætt það enn. Hann er í sömu stöðu og aðrir lánsmenn. Þegar tímabilið klárast þá getum við farið að vinna í þessu og skoðað það hvort Mason geti verið í eitt ár til viðbótar eða ekki. Þetta fer allt eftir félagi hans og auðvitað hvað hann ákveður,“ sagði Jose Bordalas, þjálfari Getafe.