Þór þarf á sigri að halda.
Rúnar Páll og Óli Jó, þjálfarar Stjörnunnar, sem spilar við ÍBV í leiknum um þriðja sætið í Fótbolta.net mótinu.
Það er heldur betur nóg um að vera í fótboltanum hér á Íslandi um helgina. Undirbúningstímabilið er í fullum gangi.
Dagurinn er tekinn snemma í A-deild Fótbolta.net mótsins þar sem er leikið um sæti. Stjarnan á þar heimaleik við ÍBV upp á þriðja sætið, á meðan HK og Grótta berjast um fimmta sætið. FH tekur á móti Grindavík í leik um sjöunda sætið.
Þá er stórleikur á Akureyri þar sem KA og Þór mætast í Kjarnafæðismótinu. Liðin eru á toppi A-deildarinnar þar sem KA er með fullt hús stiga eftir fimm umferðir en Þórsarar eru fimm stigum á eftir, með leik til góða. Þórsarar þurfa á sigri að halda, ætli þeir sér sigur í mótinu.
Við hetjum alla til að mæta á völlinn. Í tilefni þessa leiks hefur KDN (Knattspyrnudómarafélag Norðurlands) ákveðið að aðgangseyrir verði 500 krónur og renni óskiptur til góðs málefnis.
Allur ágóðinn rennur óskiptur til fjölskyldu Bjarna Hrannars Héðinssonar, dómara. Bjarni Hrannar, sem hefur verið dómari á Norðurlandi í langan tíma og á farsælan feril sem slíkur, hneig niður í lok nóvember síðastliðnum á æfingu þar sem hann missti meðvitund og fór í hjartastopp. Hann gengur nú í gegnum langa og stranga endurhæfingu.
KR og Fylkir eigast þá við í toppslag Reykjavíkurmóts kvenna, áður en Fjölnir og Víkingur R. mætast í botnslagnum.
Laugardagur:
Fótbolta.net mótið - A-deild leikið um sæti
10:45 FH-Grindavík (Skessan) 7. sæti
11:15 HK-Grótta (Kórinn) 5. sæti
11:30 Stjarnan-ÍBV (Samsung völlurinn) 3. sæti
Kjarnafæðismót karla - A-deild
13:30 KA - Þór (Boginn)
17:15 Völsungur - Leiknir F. (Boginn)
Kjarnafæðismót karla - B-deild
19:15 Höttur/Huginn - Samherjar (Boginn)
Reykjavíkurmót kvenna
15:15 KR-Fylkir (Egilshöll)
17:15 Fjölnir-Víkingur R. (Egilshöll)
Faxaflóamótið - B-riðill
12:30 Grótta-HK (Vivaldivöllurinn)
Fótbolta.net mótið - B-deild leikið um 7. sæti
12:45 Víkingur Ó.-Vestri (Skessan)
Fótbolta.net mótið - C-deild riðill 2
13:00 Kórdrengir-Árborg (Framvöllur)
Athugasemdir
