Benedikt Warén
KA 1 - 1 Stjarnan
0-1 Benedikt V. Warén ('35 )
1-1 Ásgeir Sigurgeirsson ('88 )
Rautt spjald: Alex Þór Hauksson , Stjarnan ('38) Lestu um leikinn
0-1 Benedikt V. Warén ('35 )
1-1 Ásgeir Sigurgeirsson ('88 )
Rautt spjald: Alex Þór Hauksson , Stjarnan ('38) Lestu um leikinn
KA og Stjarnan skildu jöfn á Akureyri í dag en Stjörnumenn voru manni færri allan seinni hálfleikinn.
KA fékk gott tækifæri til að komast yfir snemma leiks en Ásgeir Sigurgeirsson átti skalla og boltinn fór beint á Árna í marki Stjörnunnar.
Stuttu síðar náði Hinrik Brink að koma boltanum framhjá William Tönning en Hans Viktor Guðmundsson mætti og bjargaði á línu. Strax í kjölfarið varði Tönning vel frá Benedikt Warén.
Stjarnan hélt áfram að þjarma að marki KA og Haukur var í dauðafæri en KA menn fjölmenntu í kringum hann og náðu að bjarga.
Eftir rúmlega hálftíma leik brutu Stjörnumenn múrinn. Þorri Mar Þórisson, fyrrum leikmaður KA, áatti glæsilega fyrirgjöf og Benedikt skallaði boltann í netið afa stuttu færi.
Stuttu síðar urðu gestirnir manni færri. Tönning kom út fyrri teiginn og hreinsaði í burtu. Alex Þór Hauksson renndi sér í hann og uppskar rautt spjald.
Seinni hálfleikurinn var í eigu KA manna. Þeir vildu fá vítaspyrnu þegar boltinn virtist vara í höndina á Samúel Kára Friðjónssyni en Elías dómari dæmdi ekkert við litla kátínu KA manna.
Hallgrímur Mar Steingrímsson var hársbreidd frá því að jafna metin en skot hans small í þverslánni. Valdimar Logi Sævarsson átti síðan frábært skot en Árni varði frábærlega í horn.
Upp úr horninu skoraði Ásgeir og jafnaði metin fyrir KA. Þeim tókst ekki að bæta við mörkum og jafntefli því niðurstaðan.
Athugasemdir
