Í dag voru birt drög að niðurröðun leikja í Lengjubikarnum á næsta ári. Valur vann keppnina á þessu ári og mun hefja titilvörnina með því að mæta Fylki samkvæmt þessum drögum.

Í A-deild karla eru liðin sem spila í Bestu deildinni og Lengjudeildinni. Leikin er einföld umferð í fjórum riðlum. Sigurvegarar riðlanna komast í úrslitakeppni mótsins. Samtals fjögur lið.

Lengjubikarinn er stærsta undirbúningsmótið í íslenskum fótbolta. Keppni hefst í byrjun febrúar á næsta ári.