Laugardaginn 23. september var haldið vel heppnað fótboltafjör fyrir einstaklinga með sérþarfir.
Fjörið var haldið á vegum Háskóla Íslands, Special Olympics og Knattspyrnusambands Íslands, þar sem nemendur úr íþróttafræðideild HÍ settu upp fjölbreyttar þrautir og leiki með áherslu á að allir gætu tekið þátt.
Hinn geysivinsæli Moli, sem hefur ferðast um landið í sumar og virkjað börn til að spila fótbolta í staðinn fyrir að vera heima í tölvunni, tók einnig þátt í fjörinu.
Samstarf KSÍ og Special Olympics hefur verið farsælt undanfarin ár og er von á því að samstarfið muni verða enn sterkara.
Hér fyrir neðan má sjá myndband og myndir frá viðburðinum eftir Magnús Orra Arnarson.
Athugasemdir
