02.12.25 - 19:41
Brynjar Ingi Erluson
Brynjólfur lék allan leikinn fyrir luktum dyrum
Brynjólfur var að sjálfsögðu í byrjunarliði Groningen
Mynd: EPA
Brynjólfur var að sjálfsögðu í byrjunarliði Groningen
Mynd: EPA
Brynjólfur Andersen Willumsson lék allan leikinn með Groningen sem tapaði fyrir AJax, 2-0, í hollensku úrvalsdeildinni í dag, en leikurinn var spilaður fyrir luktum dyrum vegna atvik sem átti sér stað á sunnudag.
Leikur Ajax og Groningen hófst á sunnudag en það þurfti að hætta leik vegna stuðningsmanna sem sprengdu flugelda inn á vellinum.
Ástæðan var mjög sérstök en ekki er langt síðan einn vinsæll stuðningsmaður Ajax lét lífið og var hans hinsta ósk að stuðningsmenn gætu fengið dómarann til að flauta leikinn af í byrjun leiks.
Ætlunarverkið tókst. Dómarinn sagði leikmönnum að yfirgefa völlinn og var leikurinn settur í dag, nema í þetta sinn fyrir luktum dyrum og þar hafði Ajax góðan 2-0 sigur.
Brynjólfur var í fremstu víglínu hjá Groningen sem er í 8. sæti með 20 stig. Ajax er í 5. sæti með 23 stig.
Guðmundur Þórarinsson var í byrjunarliði Noah sem gerði markalaust jafntefli við Van í armensku úrvalsdeildinni. Noah er í 5. sæti með 23 stig.
Jón Dagur Þorsteinsson kom inn af bekknum í 6-1 stórsigri Herthu Berlín á Kaiserslautern í 16-liða úrslitum þýska bikarsins. Luca Schuler skoraði tvennu fyrir Herthu sem er komið áfram í 8-liða úrslitin.
Hjörtur Hermannsson var hvíldur á bekknum hjá Volos sem slátraði PAE Egaleo 6-0 í deildarkeppni gríska bikarsins. Volos er í 4. sæti með 7 stig eftir fjóra leiki.
Ástæðan var mjög sérstök en ekki er langt síðan einn vinsæll stuðningsmaður Ajax lét lífið og var hans hinsta ósk að stuðningsmenn gætu fengið dómarann til að flauta leikinn af í byrjun leiks.
Ætlunarverkið tókst. Dómarinn sagði leikmönnum að yfirgefa völlinn og var leikurinn settur í dag, nema í þetta sinn fyrir luktum dyrum og þar hafði Ajax góðan 2-0 sigur.
Brynjólfur var í fremstu víglínu hjá Groningen sem er í 8. sæti með 20 stig. Ajax er í 5. sæti með 23 stig.
Guðmundur Þórarinsson var í byrjunarliði Noah sem gerði markalaust jafntefli við Van í armensku úrvalsdeildinni. Noah er í 5. sæti með 23 stig.
Jón Dagur Þorsteinsson kom inn af bekknum í 6-1 stórsigri Herthu Berlín á Kaiserslautern í 16-liða úrslitum þýska bikarsins. Luca Schuler skoraði tvennu fyrir Herthu sem er komið áfram í 8-liða úrslitin.
Hjörtur Hermannsson var hvíldur á bekknum hjá Volos sem slátraði PAE Egaleo 6-0 í deildarkeppni gríska bikarsins. Volos er í 4. sæti með 7 stig eftir fjóra leiki.
