Góðar fréttir fyrir Sancho?

Sancho var í frystikistunni hjá Man Utd fyrri hluta tímabilsins. en hann neitaði að biðjast afsökunar á færslu sem hann birti seint í ágúst. Erik ten Hag, stjóri United, gagnrýndi þar Sancho og svaraði Englendingurinn fyrir sig en spilaði ekki mínútu eftir það.

Sancho var lánaður til Dortmund í janúar en Manchester Evening News veltir því fyrir sér hvort að ráðning Wilcox séu góðar fréttir fyrir kantmanninn.

Hinn 53 ára gamli Wilcox þjálfaði áður Sancho þegar leikmaðurinn var í unglingaliðum Manchester City.

Wilcox var þjálfari U18 liðs Man City um skeið og tók hann svo við sem yfirmaður akademíu City. Samband hans við Sancho er sagt gott.

Wilcox gengdi síðast stöðu yfirmanns fótboltamála hjá Southampton en hann hætti þar fyrir stuttu þar sem hann er á leið í stórt hlutverk á bak við tjöldin hjá Man Utd.