Rauða spjald Nökkva dregið til baka

Nökkvi Þeyr Þórisson fékk að líta rauða spjaldið í fyrsta leik sínum með Telstar síðan hann kom aftur frá Spörtu Rotterdam, en hann sá reisupassann eftir aðeins 22 mínútna leik um helgina.

Aganefnd hollenska fótboltasambandsins telur þó dómarann hafa gert mistök, Nökkvi hafi ranglega fengið rautt spjald og því hefur það verið dregið til baka og Nökkvi getur spilað næsta leik.

Annars lauk leik Telstar og Cambuur með 2-2 jafntefli þar sem heimamenn í Telstar jöfnuðu seint í uppbótartíma og eru því með 4 stig eftir fimm leiki.