Samsung tilbúinn og Stjarnan fer úr Miðgarðinum umdeilda

„Við tökum vel á móti ykkur í síðustu leikjum sumarsins á Samsungvelli en næsti leikur er einmitt á sunnudaginn næstkomandi þegar strákarnir fá ÍBV aftur í heimsókn," skrifar Stjarnan á samfélagsmiðla sína.

Karla- og kvennalið Stjörnunnar hafa leikið síðustu tvo heimaleiki sína í íþróttahúsinu Miðgarði við litla hrifningu.

Miðgarður uppfyllir ekki kröfur en KSÍ hefur gefið Stjörnunni undanþágu til að spila í íþróttahúsinu í Garðabæ á meðan verið var að leggja nýtt gervigras á Samsungvöllinn. Nú er völlurinn hinsvegar klár í slaginn svo Besta deildin er laus við Miðgarð.

Valdemar Einarsson, vallarstjóri Stjörnunnar. var að skoða nýja grasið í gærkvöldi og náði þessari frábæru mynd af vellinum rétt eftir klukkan 21:30.