Sterkasta lið 2. umferðar - Verður þetta ár nýliðanna?

Grindavík/Njarðvík skrifaði söguna með því að vinna sinn fyrsta leik í efstu deild, 2-1 gegn Þór/KA. Natasha Anasi er aftur í liði umferðarinnar og Sigríður Emma Fanndal Jónsdóttir var á skotskónum. Gylfi Tryggvason er þjálfari umferðarinnar. Genevieve Crenshaw kom inn í mark Grindavík/Njarðvík í þessum leik og var mjög öflug.

Hinir nýliðarnir í ÍBV gerðu sér þá lítið fyrir og unnu 3-2 endurkomusigur á Víkingum eftir að hafa lent undir. Allison Clark var frábær í leiknum og Olga Sevcova sömuleiðis. Jón Óli Daníelsson gerði þá sterkt tilkall til að vera þjálfari umferðarinnar.

Verður þetta ár þar sem báðir nýliðarnir halda sér uppi?

Þá vann Stjarnan 2-0 sigur á Val þar sem Andrea Mist Pálsdóttir og Birna Jóhannsdóttir spiluðu vel og Þróttur vann glæsilegan sigur á FH á heimavelli. Mist Funadóttir var maður leiksins og Kayla Rollins var hetjan.