Þrír rifta við Fjölni

Orri er 24 ára miðjumaður sem skoraði fjögur mörk í 15 leikjum í 2. deild í sumar. Hann hefur verið í Fjölni síðan 2017 en hafði áður verið í yngri flokkum Víkings.

Árni Steinn er fæddur 2003, hann er framherji sem uppalinn er í Fjölni og skoraði níu mörk í 22 leikjum í 2. deild í sumar.

Bjarni Þór er miðjumaður, fæddur 2000, og hefur verið í Fjölni síðan 2022. Hann er uppalinn hjá Breiðabliki og hefur einnig leikið með Víkingi Ólafsvík og Augnabliki. Hann skoraði níu mörk í 18 leikjum í 2. deild í sumar.

Þeir Bjarni Þór og Árni Steinn voru markahæstu menn Fjölnis ásamt Viktori Andra Hafþórssyni.

Fjölnir ætlaði sér upp úr 2. deild í sumar eftir að hafa fallið úr Lengjudeildinni í fyrra. Niðurstaðan varð 6. sæti og endaði liðið 15 stigum frá Selfossi í 2. sæti deildarinnar.