Lars Lagerback vill ekkert gefa út um það hvort hann hafi áhuga á að taka við íslenska landsliðinu á nýjan leik.
Lars var ráðinn landsliðsþjálfari haustið 2011 og undir hans stjórn fór liðið í umspil fyrir HM 2014 og alla leið í 8-liða úrslit á EM 2016 þegar hann þjálfaði liðið með Heimi Hallgrímssyni.
Hinn 72 ára gamli Lars verður ekki áfram landsliðsþjálfari Noregs en hann var rekinn úr starfi þar í dag. Á samfélagsmiðlum hefur verið kallað eftir endurkomu Lars en í svari við fyrirspurn frá Vísi vill hann ekkert gefa upp.
„Í augnablikinu veit ég ekkert hvað framtíðin ber í skauti sér,“ segir Lagerbäck í skriflegu svari við fyrirspurn Vísis.
Bætti sá sænski við: „Áfram Ísland.“
Athugasemdir