Ljóst hvaða lið mætast í undanúrslitum Þjóðadeildarinnar

Ítalía mætir Spáni og Belgía leikur gegn Frakklandi í undanúrslitum Þjóðadeildarinnar á næsta ári. Dregið var í dag.

Þau landslið sem unnu riðla sína í A-deild Þjóðadeildarinnar leika í úrslitakeppninni en leikirnir verða á Ítalíu í október á næsta ári.

Leikið verður á San Siro í Mílanó og á Juventus vellinum í Tórínó.

Úrslitaleikurinn verður á San Siro en leikurinn um þriðja sætið á Juventus vellinum.