Lið vikunnar í enska - Burnley, Everton og Newcastle með tvo fulltrúa

Markvörður: Jordan Pickford (Everton) - Pickford verðskuldar sæti í liðinu. Frábær frammistaða gegn Nottingham Forest, átti þátt í sigurmarkinu og kom liðinu einnig til bjargar eins og svo oft áður.

Varnarmaður: Trent Alexander-Arnold (Liverpool) - Nýi Steven Gerrar þeirra Liverpool-manna. Hetjan í dag, skoraði eitt geggjað mark úr aukaspyrnu og annað laglegt sigurmark í lokin. Nýju Predator-skórnir að skila.

Varnarmaður: Dara O'Shea (Burnley) - Frábær í vörn Burnley og með Oli McBurnie í vasanum, sem varð til þess að framherjinn fór að sýna olnbogann og var rekinn af velli.

Varnarmaður: Fabian Schär (Newcastle) - Það má ekki vanmeta framlag hans. Keyrði boltann fram, kastaði sér fyrir skot og var með Martial í vasanum.

Miðjumaður: Lucas Koleosho (Burnley) - Skoraði eitt mark fyrir Burnley og er farinn að sýna sparihliðarnar í deild þeirra bestu.

Miðjumaður: Martin Ödegaard (Arsenal) - Farinn að líta út eins og leikmaðurinn sem hann var á síðasta tímabili. Stjórnaði miðjunni, skoraði gott mark og var alltaf að skapa færi fyrir liðsfélaga sína.

Miðjumaður: Enzo Fernandez (Chelsea) - Fernandez hefur vissulega átt betri leiki með Chelsea en skoraði tvö mikilvæg mörk í 3-2 sigrinum á Brighton.

Miðjumaður: Dwight McNeil (Everton) - Laglegt og mikilvægt mark sem hann skoraði gegn Nottingham Forest. Everton-menn þurftu þetta meira en öll lið eftir það sem hefur gengið á bakvið tjöldin.

Sóknarmaður: Anthony Gordon (Newcastle) - Gordon er að njóta þess að spila fótbolta. Skoraði sigurmarkið gegn Man Utd og styttist í að hann verði valinn í enska landsliðið.

Sóknarmaður: Ollie Watkins (Aston Villa) - Skoraði og lagði upp til að bjarga stigi fyrir Villa. Markið hans var með glæsilegum skalla,

Sóknarmaður: Dejan Kulusevski (Tottenham) - Lagði upp fyrsta markið fyrir Heung-Min Son og efldist bara þegar leið á leikinn. Hann var alltaf að fara skora þetta jöfnunarmark. Mögnuð frammistaða.