Breiðablik vann Víking R., 3-2, í Meistarar meistaranna á Kópavogsvelli í kvöld. Þetta er í fyrsta sinn í sögu félagsins sem það vinnur þessa keppni.

Gísli Eyjólfsson var ekki lengi að koma sér í gang. Ágúst Eðvald vann Karl Friðleif Gunnarsson í skallabolta og náði síðan Patrik Johannesen að koma boltanum fyrir Gísla sem skoraði með hnitmiðuðu skoti við vítateigslínuna.

Víkingar voru kærulausir í vörninni og var það sem kostaði annað markið. Þeir töpuðu honum á hættulegum stað og fékk Viktor Karl Einarsson boltann hægra megin á vængnum áður en hann kortlagði fyrirgjöf beint á hausinn á Patrik Johannesen sem skallaði boltann í markið.

Ingvar Jónsson fór meiddur af velli á 37. mínútu eftir að hafa lent í samstuði nokkrum mínútum áður. Þórður Ingason kom inn í hans stað.

Það færðist aðeins meiri ákefð í leik Víkinga í þeim síðari og fékk liðið vítaspyrnu þegar fimmtán mínútur voru eftir. Anton Ari Einarsson keyrði út í Danijel Dejan Djuric og virtist kýla hann í hausinn og því líklega réttur dómur. Nikolaj Hansen skoraði með þéttingsföstu skoti.

Blikar fengu vítaspyrnu nokkrum mínútum síðar. Oliver Ekroth fór aftan í bakið á Patrik og benti Erlendur Eiríksson, dómari leiksins, á punktinn.

Höskuldur Gunnlaugsson skoraði af miklu öryggi og kom Blikum í 3-1.

Nikolaj Hansen skoraði sárabótarmark í uppbótartíma eftir frábæra fyrirgjöf Loga Tómassonar. Lokatölur 3-2.

Fyrsti titill Blika á tímabilinu og í fyrsta sinn sem liðið vinnur þessa keppni. Á mánudag hefst síðan Besta deildin en Blikar spila við HK í nágrannaslag á meðan Víkingur mætir Stjörnunni.