Sneri aftur í hópinn og skilaði sínu vel - „Vorum ógeðslega pirrandi"

„Við vorum ógeðslega pirrandi og þær voru orðnar ógeðslega pirraðar á okkur. Það vann okkur inn í leikinn. Markmiðið var að pirra þær og vera óþolandi. Við gerðum vel þar. Baráttan var lykilatriði í sigrinum."

Selma var í byrjunarliðinu í kvöld eftir að hafa verið utan hóps í síðasta leik vegna mistaka starfsmanns KSÍ. Hún vildi ekki tjá sig um þau mistök í viðtali eftir leikinn í kvöld.

„Það var gott að fá mínútur og ég er sátt með það sem ég lagði fram í dag. Ég skilaði mínu hlutverki vel."

„Það er alltaf gaman að spila með stelpunum og hvað þá þegar við vinnum."

Hægt er að sjá allt viðtalið í spilaranum hér fyrir ofan.