Van Der Gouw til Waalwijk. (Staðfest)

Raimond Van Der Gouw fyrrum markvörður hjá Manchester United hefur samið við hollenska úrvalsdeildarliðið RKC Waalwijk til loka tímabilsins. Van Der Gouw sem er orðinn fertugur hefur verið án félags síðan í sumar þegar að hann yfirgaf West Ham United. Honum er ætlað að leysa aðalmarkvörð Waalwijk, Wilko de Vogt af hólmi þar sem að hann verður frá út þetta tímabil vegna meiðsla á hné.