Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fös 05. mars 2021 13:00
Magnús Már Einarsson
Breiðablik samþykkir tilboð í Brynjólf
Mynd: Hulda Margrét
Breiðablik hefur samþykkt tilboð frá norska félaginu Kristiansund í sóknarmanninn Brynjólf Andersen Willumsson. Þetta kemur fram í Dr. Football í dag.

Fótbolti.net greindi frá því á dögunum að Breiðablik hefði hafnað tilboði frá Kristiansund í Brynjólf en nú hafa félögin náð saman. Brynjólfur á sjálfur eftir að semja við Kristiansund.

Kristiansund endaði í 5. sæti í norsku úrvalsdeildinni á síðasta tímabili.

Að sögn Dr. Football hefur sænska félagið Hammarby einnig áhuga á að fá Brynjólf.

Hinn tvítugi Brynjólfur hefur skorað sjö mörk í 41 leik í Pepsi Max-deildinni á ferli sínum með Breiðabliki.

Brynjólfur á einnig að baki tólf leiki með U21 árs landsliði Íslands sem er á leiðinni í lokakeppni EM í lok næsta mánaðar.
Athugasemdir
banner
banner
banner
banner