FCK leiddi með tveimur mörkum í hálfleik en Hákon Arnar var í byrjunarliði FCK á meðan Ísak Bergmann Jóhannesson byrjaði á bekknum. Aron Elís Þrándarson kom inná í hálfleik hjá OB en það versnaði allt í þeim síðari.

Hákon gerði fimmta mark FCK á 56. mínútu áður en honum var skipt af velli á 70. mínútu fyrir Ísak. Tveir leikmenn OB sáu rautt spjald og lauk leiknum með 7-0 sigri danska meistaraliðsins. FCK er í öðru sæti með 36 stig en OB í 9. sæti með 25 stig.

Daníel Leó Grétarsson spilaði allan leikinn í vörn Slask Wroclaw sem gerði 1-1 jafntefli við Cracovia í pólsku deildinni. Slask er í 10. sæti með 29 stig.

Andri Fannar Baldursson kom inná sem varamaður í hálfleik í 1-0 tapi NEC Nijmegen gegn Ajax. NEC er í 10. sæti með 30 sig.

Mikael Egill Ellertsson fór af velli í hálfleik er Venezia tapaði fyrir toppliði Frosinone, 3-0, í ítölsku B-deildinni. Venezia er í fallsæti með 24 stig.

Hilmi Rafn Mikaelsson skoraði í 3-3 jafntefli Tromsö gegn SJK í æfingaleik í dag og þá lék Nökkvi Þeyr Þórisson allan leikinn í 1-0 sigri Beerschot á Lierse í belgísku B-deildinni en lið hans er í 3. sæti í meistararariðlinum með 42 stig.

Stórsigur hjá Sverri

Varnarmaðurinn Sverrir Ingi Ingason spilaði í miðri vörn PAOK sem vann 6-0 sigur á Ionikos í grísku úrvalsdeildinni. PAOK er í 4. sæti með 51 stig, fimm stigum frá toppnum.

Guðmundur Þórarinsson lék allan leikinn fyrir OFI Crete sem tapaði fyrir toppliði AEK, 3-0. OFI er í 9. sæti með 26 stig.