Veigar Páll Gunnarsson landsliðsmaður í knattspyrnu skrifaði í dag undir tveggja ára samning við Íslandsmeistara KR. Veigar var einn besti leikmaður Íslandsmótsins síðasta sumar er hann lék með KR. Samningur hans við félagið rann hinsvegar út nú um áramótin og hafa samningaviðræður staðið yfir síðan. Samningar tókust svo í dag og aðspurður sagðist Veigar vera mjög ánægður með samninginn og sagði okkur að hann teldi svo vera einnig um KR-inga.
