Bakari til Valladolid (Staðfest)

Spænska liðið Real Valladolid hefur fengið sóknarmanninn Dagui Bakari að láni frá Lens út þessa leiktíð. Valladolid sem að er í 15.sæti í La Liga hefur gengið illa að undanförnu eftir að aðalframherji liðsins Ariza Makukula sem að er í láni frá Nantes meiddist á hné og verður frá í hálft ár. Valladolid telur Bakari geta fyllt skarð Makukula og hefur félagið einnig samið við Lens um forkaupsrétt á Bakari í lok tímabilsins. Bakari hefur skorað sjö mörk með Lens á tímabilinu og þar af þrjú í Evrópukeppni félagsliða en hann hefur misst sæti sitt í byrjunarliðinu og finnst því fínt að fara til Spánar.