Lið vikunnar í enska - Enn mottumars hjá Alisson
West Bromwich Albion vann áhugaverðan 5-2 útisigur gegn Chelsea, Newcastle náði stigi gegn Tottenham og Everton gerði jafntefli við Crystal Palace. Þá fögnuðu Leeds, West Ham og Southampton sigrum.
Garth Crooks hjá BBC hefur valið úrvalslið vikunnar.
Markvörður - Alisson (Liverpool): Brassinn var öryggið uppmálað og fullur sjálfstrausts. Þá hefur hann líka framlengt mottumars!
Mynd: Getty Images
Vörn - Trent Alexander-Arnold (Liverpool): Hefur átt erfitt tímabil en sýndi sparihliðarnar gegn Arsenal.
Mynd: Getty Images
Vörn - Cheikhou Kouyate (Crystal Palace): Senegalinn átti stóran þátt í því að Palace náði í verðskuldað stig.
Mynd: Getty Images
Vörn - Benjamin Mendy (Manchester City): Leit út eins og Aguero þegar hann kláraði færi sitt gegn Leicester og skoraði.
Mynd: Getty Images
Miðja - Matheus Pereira (West Brom): Skoraði tvö mörk og var maður leiksins í sigrinum ótrúlega gegn Chelsea.
Mynd: Getty Images
Miðja - Kevin de Bruyne (Manchester City): Sköpunarmáttur hans og gæði fengu enn einu sinni að njóta sín
Mynd: Getty Images
Miðja - Jesse Lingard (West Ham): Lánsmaðurinn frá Man Utd hélt sýningu gegn Úlfunum. Mark og tvær stoðsendingar.
Mynd: Getty Images
Miðja - Callum Robinson (West Brom): Hjólin byrjuðu að snúast þegar hann kom inná. Af hverju byrjaði hann á bekknum?
Mynd: Getty Images
Sókn - Danny Ings (Southampton): Mætti aftur úr meiðslum og var flugbeittur í endurkomusigri gegn Burnley. Geggjuð stoðsending og snilldarmark frá honum.
Mynd: Getty Images
Sókn - Harry Kane (Tottenham): Heldur áfram að raða inn mörkum fyrir England og Tottenham.
Mynd: Getty Images
Sókn - Diogo Jota (Liverpool): Hefur heldur betur látið að sér kveða síðan hann kom til Liverpool. Skoraði tvö gegn Arsenal.
Mynd: Getty Images
Mynd: BBC
