Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 06. júní 2020 09:00
Fótbolti.net
Líklegt byrjunarlið ÍA í sumar
ÍA er spáð 10. sætinu.
ÍA er spáð 10. sætinu.
Mynd: Fótbolti.net - Ingunn Hallgrímsdóttir
Tryggvi Hrafn Haraldsson
Tryggvi Hrafn Haraldsson
Mynd: Fótbolti.net - Hafliði Breiðfjörð
Óttar Bjarni Guðmundsson
Óttar Bjarni Guðmundsson
Mynd: Fótbolti.net - Hafliði Breiðfjörð
Fótbolti.net spáir ÍA níunda sæti í Pepsi Max-deildinni í sumar. Skagamenn enduðu í 10. sæti í fyrra sem nýliðar í deildinni.

Fótbolti.net rýnir í dag í mögulegt byrjunarlið ÍA í sumar en rúm vika er í fyrsta leik Skagamanna gegn KA.

Árni Snær Ólafsson er á sínum stað í markinu en varamarkvörður er Aron Bjarki Kristjánsson.

Hinn ungi og efnilegi Jón Gísli Eyland Gíslason verður væntanlega hægri bakvörður en Hallur Flosason kemur einnig til greina þar. Í vinstri bakverðinum er Aron Kristófer Lárusson líklegastur en hann kom til ÍA frá Þór í fyrra.

Óttar Bjarni Guðmundsson og Lars Marcus Johannsson verða miðverðir en hinn ungi Benjamin Mehic hefur einnig spilað talsvert á undirbúningstímabilinu. Lars Marcus hefur lítið verið með í vetur vegna meiðsla og spurning er hvernig leikformið hans verður í byrjun móts.

Sindri Snær Magnússon, Stefán Teitur Þórðarson og Steinar Þorsteinsson manna líklega miðjuna. Arnar Már Guðjónsson, fyrirliði ÍA, gæti náð seinni hluta móts en hann er á batavegi eftir að hafa meiðst illa á hné í fyrrasumar. Brynjar Snær Pálsson er einnig kostur á miðjuna en hann hefur spilað talsvert á undirbúningstímabilinu.

Sóknartríóið verður líklega skipað Viktori Jónssyni, Bjarka Steini Bjarkasyni og Tryggva Hrafni Haraldssyni. Tryggvi hefur verið eftirsóttur í vetur en Skagamenn hafa hafnað tilboðum í hann. Sigurður Hrannar Þorsteinsson, Marteinn Theodórsson, Gísli Laxdal Unnarsson gætu einnig komið við sögu í fremstu stöðunum en þeir eru á meðal leikmanna sem hafa gert góða hluti með 2. flokki ÍA undanfarin ár.

Sjá einnig:
Spá Fótbolta.net - 9. sæti - ÍA
Athugasemdir
banner
banner
banner
banner