FH náði í þriðja sigur sinn í Lengjudeildinni í kvöld er liðið vann ÍA 3-0 á Norðurálsvellinum á Akranesi.

FH-liðið er í góðum gír eftir að hafa unnið Þór/KA í Mjólkurbikarnum á dögunum en fyrsta mark leiksins kom undir lok fyrri hálfleiks og var það Þóra Kristín Hreggviðsdóttir sem gerði markið.

Brittney Lawrence tvöfaldaði forystuna á 53. mínútu áður en Katrín S. Vilhjálmsdóttir gulltryggði sigurinn tólf mínútum fyrir leikslok.

Þriðji sigur FH í deildinni staðreynd en liðið er í 3. sæti með 9 stig eftir fyrstu fimm leikina en ÍA í 6. sæti með 6 stig.