Lampard ósáttur með dómgæsluna: Skoruðu með hendi

Coventry náði forystunni snemma í síðari hálfleik en Thierno Barry svaraði með tveimur mörkum og stoðsendingu, svo lokatölur urðu 3-1 fyrir Everton.

„Ég er ánægður með frammistöðuna en það voru að lokum stórar dómaraákvarðanir sem réðu úrslitum," sagði Lampard og átti þá við þrjú vafaatriði úr leiknum.

Í einu atviki virtist James Tarkowski toga í hárið á leikmanni Coventry, en VAR-teymið ákvað ekki að skerast inn í leikinn til að dæma rautt spjald. Í öðru atviki vildi Lampard fá vítaspyrnu fyrir brot á Taiwo Awoniyi við vítateigslínuna og í þriðja atvikinu virtist Thierno Barry skora með hendi.

„Ég er búinn að sjá þessi atvik frá bestu sjónarhornunum og get því verið ósammála dómurunum. Ég skil að hártogið sé kannski á gráu svæði, en ég skil ekki hvernig var ekki gert neitt í því.

„Mér fannst vera brotið á Taiwo innan teigs og svo skora þeir eitt marka sinna með hendi. Það sást ekki frá öllum sjónarhornum, en það var eitt sjónarhorn sem sýndi að boltinn snerti hendina á framherjanum áður en hann endaði í netinu."

Nýliðar Coventry eru með 9 stig eftir 10 umferðir í ensku úrvalsdeildinni.

„Ég er að sjá skýr merki um framfarir og við höfum fulla trú á að geta náð settum markmiðum á tímabilinu. Það er góður liðsandi í hópnum og við þurfum að halda áfram að leggja mikla vinnu á okkur."