Bjarni Hólm í ÍBV (Staðfest)

Bjarni Hólm Aðalsteinsson hefur skrifað undir þriggja ára samning við ÍBV. Bjarni er fyrsti leikmaðurinn sem gengur í raðir ÍBV frá því að tímabilinu lauk í september. Hann er fæddur árið 1984 og lék upp alla yngri flokkana með Huginn á Seyðisfirði. Hann gekk í raðir Fram árið 2002 og lék með liðinu 30 leiki í deild og bikar 2002 og 2003 en var leigður til baka til Hugins á síðustu leiktíð og lék stórt hlutverk í að koma liðinu upp úr 3. deildinni.