Eddie Howe, stjóri Bournemouth, segist líða vandræðalega yfir að vera einn af þeim sem er orðaður við stjórastöðuna hjá Everton eftir brottrekstur Marco Silva.
Bournemouth hefur tapað fjórum leikjum í röð undanfarnar vikur.
Bournemouth hefur tapað fjórum leikjum í röð undanfarnar vikur.
„Fyrst og fremst er ég mjög svekktur fyrir hönd Marco. Í öðru lagi er ég 100% skuldbundinn þessu félagi og mér líður frekar vandræðalega yfir þessum sögusögnum í hreinskilni sagt, eftir úrslit okkar að undanförnu," sagði Howe.
„Þetta kemur allt saman á slæmum tíma því að fólk spyr sig hvort að eitthvað utanaðkomandi sé að trufla vinnuna mína?"
„Ég les hins vegar ekki allt kjaftæðið sem er í gangi. Ég einbeiti mér að leikmönnum mínum og æfingum. Það er allt sem ég hef að segja um þetta."
Athugasemdir