Þjóðadeildin: Geta tryggt toppsætið í næsta leik

Aserbaísjan er einum sigri frá því að tryggja sér toppsæti B-riðils D-deildar Þjóðadeildarinnar eftir 1-0 heimasigur á Litháen í dag.

Öll lið D-deildarinnar fara upp í C-deild þar sem D-deildin verður lögð niður eftir þessa keppni. Það er samt ekki sama hvernig liðin enda því betri árangur riðilsigurvegaranna tveggja getur gefið umspilssæti fyrir Evrópumótið, eftir því hvernig undankeppnin fer.

Abdulakh Khaybulayed skoraði eina mark leiksins á 25. mínútu og Aserar eru nú með fimm stig á toppnum, einu meira en Litháen í öðru sæti.

Aserar heimsækja Liechtenstein í lokaumferðinni í næsta mánuði og tryggja sér sigur í riðlinum með sigri þar.