Bjarki Steinn á æfingu í morgun.
„Við erum klárir í þetta verkefni og ég er klár í þennan leik á morgun," segir Bjarki Steinn Bjarkason sem hefur verið færður í U21-landsliðið úr A-landsliðinu.
U21 landsliðið er að búa sig undir mikilvægan leik gegn Hvíta-Rússlandi á morgun í undankeppni EM. Ísland á möguleika á því að komast í umspil en þarf að treysta á að Grikkland misstígi sig á lokasprettinum.
Sjá einnig:
Þetta þarf að gerast svo U21 komist í umspil
U21 landsliðið er að búa sig undir mikilvægan leik gegn Hvíta-Rússlandi á morgun í undankeppni EM. Ísland á möguleika á því að komast í umspil en þarf að treysta á að Grikkland misstígi sig á lokasprettinum.
Sjá einnig:
Þetta þarf að gerast svo U21 komist í umspil
„Það er allt opið í þessu. Við verðum bara að gera þá kröfu á okkur að klára okkar. Svo sjáum við bara hvað gerist. Okkur dreymir um að fara á stórmót og það er hellings möguleiki á að gera það."
Var hann að vonast eftir því að vera færður í U21 liðið?
„Ég var ekkert að hugsa út í það. Ég fékk bara þær upplýsingar að ég kæmi hingað til að hjálpa liðinu og ég er heldur betur klár í það. Ég býst við hörkuleik á morgun."
Sjáðu viðtalið í heild hér að ofan en þar talar Bjarki meðal annars um stöðu sína á Ítalíu.
