„Þetta tímabil var í raun smá vonbrigði, sérstaklega í láninu hjá Catanzaro," segir Bjarki Steinn Bjarkason sem ræddi við Fótbolta.net fyrir æfingu U21 landsliðsins í dag.
Hann var um mitt tímabil lánaður frá Venezia til C-deildarliðsins Catanzaro þar sem hann var í litlu hlutverki og náði ekki að vinna sér inn sæti í liðinu.
Hann var um mitt tímabil lánaður frá Venezia til C-deildarliðsins Catanzaro þar sem hann var í litlu hlutverki og náði ekki að vinna sér inn sæti í liðinu.
„Fyrri hlutann var ég hjá Venezia og að æfa í góðum gæðum. Ég fékk minn fyrsta leik í Seríu-A sem var gott en því miður var þetta ekki nægilega gott í láninu."
Þjálfarinn ákvað að treysta á aðra leikmenn og Bjarki fékk ekki þann spiltíma sem hann vonaðist eftir.
„Ég gerði það en því miður gekk það ekki eftir," segir Bjarki sem er þó brattur og ákveðinn í að vinna sér inn sæti í liði Venezia, sem féll úr A-deildinni.
„Ég er mjög spenntur fyrir því. Við byrjum snemma í júlí og er klár í það að vinna mér inn sæti í liðinu í Seríu-B með Venezia."
Athugasemdir