Alvaro Morata skoraði eftir 50 sekúndur og voru heimamenn í Vigo óheppnir að jafna ekki fyrir leikhlé.

Francisco Beltran jafnaði með mögnuðu marki snemma í síðari hálfleik. Mögulegt er að Beltran hafi hitt knöttinn illa og þess vegna skorað en við leyfum honum að njóta vafans.

Celta er núna sjö stigum frá fallsvæðinu þegar fjórar umferðir eru eftir. Atletico er svo gott sem búið að tryggja sér Meistaradeildarsæti.

Celta 1 - 1 Atletico Madrid
0-1 Alvaro Morata ('1 )
1-1 Fran Beltran ('49 )

Valencia hafði þá betur gegn Real Valladolid og er aðeins einu stigi frá Meistaradeildarsæti eftir sigurinn.

Valencia stjórnaði fyrri hálfleiknum og skoraði Maxi Gomez eina markið en gestirnir tóku öll völd á vellinum eftir leikhlé og voru snöggir að jafna með marki frá Victor Garcia.

Gestirnir frá Valladolid voru óheppnir að skora ekki fleiri mörk en suður-kóreski táningurinn King-in Lee gerði glæsilegt sigurmark fyrir Valencia á lokamínútunum.

Valladolid siglir lygnan sjó í neðri hluta deildarinnar, tíu stigum frá falli.

Valencia 2 - 1 Valladolid
1-0 Maxi Gomez ('30 )
1-1 Victor Garcia ('47 )
2-1 Kang-in Lee ('89 )