Damir tekur slaginn áfram í Grindavík þrátt fyrir fall (Staðfest)

Damir Muminovic ætlar að spila áfram með Grindavík á næsta tímabili þrátt fyrir að félagið hafi fallið úr Lengjudeildinni um helgina.

Þetta staðfestir hann í samtali við Fótbolta.net.

Damir kom til Grindavíkur eftir síðasta tímabil, kom frá Breiðabliki og var lykilmaður í liði Grindavikur sem fékk á sig fimmtu fæstu mörkin í deildinni, en ekkert lið skoraði færri mörk í sumar og því varð niðurstaðan fall úr næstefstu deild og ljóst að Grindavík spilar í 2. deild á næsta ári.